Hormatly Prezidentimiziň ata-babalarymyzdan gelýän edep-terbiýäni, milli mirasy, däp-dessurlary ýaşlaryň aňyna salmak babatda aýdýan tabşyryklaryny durmuşa geçirmek maksady bilen, 2026-njy ýylyň 5-nji martynda  Türkmen döwlet medeniýet we sungat mekdebiniň  Ilkinji zenanlar guramasynyň guramagynda gelin gyzlaryň arasynda «Zenan-zeminiň zynaty» atly wagyz-nesihat çäresi geçirildi.

Wagyz-nesihat çärede halypa mugallymlarymyz zenan maşgalanyň gadyr-gymmaty, zenan terbiýesiniň gözelligi hakynda, ýagny merdana halkymyzda «Gyzly öý – gyzylly öý», «Gyzym – gyzylly halkam» ýaly ajaýyp pähimlerine eýerip gelin-gyz talyplarymyzyň terbiýesine bagyşlap ajaýyp çykyşlary etdiler.

Çykyşlaryň dowamynda milli ruhy we maddy gymmatlyklarymyzyň müňýyllyklardan gelip ýeten türkmen zenanlarynyň el işleriniň häsiýetli aýratynlyklary, terbiýeçilik ähmiýeti, el işleri bilen baglanyşykly däp-dessurlar, keşdeler we olaryň görnüşleri hem-de milli ruhuň beýany, türkmen zenanyň maşgaladaky orny barada giňişleýin durlup geçildi. Bulardan başgada çykyşlarda gelin-gyzlarda millilik, edep-ekramlylyk salyhatlylyk ýaly häsiýetleri terbiýelemek, olarda milli mirasa sarpany, zähmete söýgini ösdürmek, şeýle-de ene-mamalarymyzyň asylly häsiýetlerini kemala getirmek dogrusynda täsirli gürrüňler ýerine ýetirildi.

Şeýle hem wagyz-nesihat çäräsiniň dowamynda mähriban enelerimize gülden näzik gelin-gyzlarymyza bagyşlanan aýdymlar ýaňlandy.

Wagyz-nesihat çäresiniň ahyrynda ýaşlarymyzyň ylymly-bilimli bolup ýetişmekleri, ýaş nesli watansöýüjilik, ynsanperwerlik ruhunda terbiýelemekde Berkarar Watanymyzda alnyp barylýan işleri, durmuşa geçirilýän özgertmeleri üçin Gahryman Arkadagymyza, Arkadagly Gahryman Serdarymyza alkyşlar we hoşallyk sözleri ýaňlandy.